Cancel Preloader

ಹಣತೆ

 ಹಣತೆ

ಮನೆಗೆ ಬೆಳಕನು ತುಂಬಿ
ಬೆಳಗುತಿದೆ ಹಣತೆಗಳು
ಊರಿನ ತುಂಬ , ದೇಶದಲ್ಲೆಲ್ಲ
ಲಕ್ಷ ಲಕ್ಷ ದೀಪಗಳು ……
ಮನೆ , ಮನದಂಗಳವನ್ನು
ಗುಡಿಸಿ , ಸಾರಿಸಿ
ರಂಗವಲ್ಲಿ ಇಟ್ಟು
ಸುತ್ತಲಿನ ಕತ್ತಲು
ದಾರಿ ತಪ್ಪಿಸದಿರಲು ಹೊಸ್ತಿಲಲ್ಲಿ
ಹಣತೆಯ ದೀಪ ಹಚ್ಚಿಟ್ಟು
ಕಾಯುತಿರುವೆ ಹೂಚೆಲ್ಲಿ ನಿನಗಾಗಿ
ನಮ್ಮೊಳಗಿನ ಅಂಧಃಕ್ಕಾರವನ್ನು ಕಿತ್ತು
ಮನದಂಗಳವ ಗುಡಿಸಿ
ಕೊಳೆಯ ರಾಶಿಯ ತೊಳೆದು
ನಡೆಯೋಣ ಭವಿಷ್ಯದ ಪಥದಲ್ಲಿ
ಹೊಸ ಆಸೆಗಳ ಗಿಡನೆಟ್ಟು
ಹೊಸ ಚೈತನ್ಯ ಸ್ಫೂರ್ತಿಯಿಂದ
ಬೆಳಗು ಬೆಳಗು ಬಯಲು ತುಂಬ
ಒಲವ ತರುವ ಹೃದಯ ತುಂಬ
ಪ್ರಖರ ತರುವ ಬಿಂಬ ನೀನು
ಆದರೂ….. ,
ಮನದಲೊಳಗೆ ಕತ್ತಲೇಕೆ …..?
ಮರಳಿ ಬಾ ಜ್ಞಾನೇಶ್ವರ
ದೀಪ ಬೆಳಗಿ ಮಬ್ಬನಳಿಸಿ
ಜ್ಞಾನ ಜ್ಯೋತಿ ಮನದಲ್ಲಿರಿಸಿ
ನಿನ್ನ ಹೆಜ್ಜೆಯ ಸದ್ದಿನಿಂದಲೇ
ನನ್ನ ಹೃದಯದಲ್ಲಿ
ಸಂತಸದ ಹಣತೆ ಬೆಳಗೀತು !
ಈ ಹಬ್ಬದ ರಾತ್ರಿಯಲ್ಲಿ
ತನ್ನೊಡಲ ಕಿಡಿಯಿಂದ
ಸಾಲು ಸಾಲು ಹಣತೆಗಳೊಡಲ ಬೆಳಗಿಸುವ
ಕಿರು ಹಣತೆ
ಮನ ಬೆಳಗಿಸಬೇಕು .

ಪ್ರಭಾಕರ ತಾಮ್ರಗೌರಿ , ಗೋಕರ್ಣ

ಪ್ರಭಾಕರ ತಾಮ್ರಗೌರಿ , ಬಿ.ಕಾಂ .ಪದವೀಧರ. ಫ್ರೀಲಾನ್ಸ್ ಬರಹಗಾರ . ಲೇಖಕ . ಕನಸು ಕರೆಯುತಿದೆ , ಕಾರ್ತಿಕದ ಬೆಳಕು ಎರಡು ಕವನ ಸಂಕಲನಗಳು . ಮತ್ತೆ ಬಂದ ವಸಂತ , ಕರಗಿದ ಕಾರ್ಮೋಡ , ಅನುರಾಗ ಬಂಧನ ಮೂರು ಕಾದಂಬರಿಗಳು . ಹಾಗೂ , ಬದಲಾದ ದಿಕ್ಕುಗಳು , ಬಾಳ ಸಂಜೆಯ ನೆರಳು , ಮುಸ್ಸಂಜೆ ಹೊಂಬಿಸಿಲು ಮತ್ತು ಇತರ ಕಥೆಗಳು , ಔದಾರ್ಯದ ನೆರಳಲ್ಲಿ ನಾಲ್ಕು ಕಥಾ ಸಂಕಲನಗಳು ಪ್ರಕಟವಾಗಿವೆ . ಕನ್ನಡ ಪುಸ್ತಕ. ಪ್ರಾಧಿಕಾರದ ಬಹುಮಾನ ಕನ್ನಡ ಸಾಹಿತ್ಯ ಪರಿಷತ್ ಕಥಾ ಬಹುಮಾನ ಸಂಚಯ ಕಥಾ ಸಾಹಿತ್ಯ ಬಹುಮಾನ ಮಾಸ್ತಿ ಕಥಾ ಸಾಹಿತ್ಯ ಬಹುಮಾನ ಶ್ರೀಗಂಧಹಾರ ಸನ್ಮಾನ ಪ್ರಶಸ್ತಿ .