ಅಜರಾಮರ

ಸತ್ಯಕೆ ಕನ್ನಡಿ ಹಿಡಿದರೆ
ಇವನದೆ ಪ್ರತಿರೂಪ
ದೀನರ ಬಾಳನು
ಬೆಳಗಿದನಿವ ನಂದಾದೀಪ

ಬೆಳಕೆರೆವ ಹಣತೆ ಸುತ್ತಲೂ
ತುಂಬಿದೆ ಬಡಗತ್ತಲು
ದೀನತೆಯ ಚಿಂದಿಬಾಳ ಕಂಡು
ಈತ ಅರೆ ಬೆತ್ತಲು

ಈ ನೆಲದ ಬಸಿರಲಿ
ಚಿಲುಮೆ ಒಡೆದ ಒರತೆ
ಬಡ ದಾಹ ನೀಗಿಸಿದ
ಮಹದೊಲ್ಮೆಯಂತೆ

ಸತ್ಯದ ಚರಕ ಹಿಡಿದು
ಅಹಿಂಸಾ ನೂಲನು ಎಳೆದು
ಕಾಯಕ ಯೋಗಿ
ಧರ್ಮ ವ ಮೀರಿ
ಅಜರಾಮರನಿವನು

ಕಾವಿಯುಟ್ಟು ತಪಗೈದು
ಜಪಮಣಿ ಎಣಿಸಲಿಲ್ಲ
ಕತ್ತಿ ಕೋವಿ ಗುಂಡು ಹಿಡಿದು
ವೀರನೆನಿಸಲಿಲ್ಲ

ಬಡ ಬೆತ್ತಲ ಗುಂಡಿಗೆಯೂ
ಕಣ್ಣ ಕುಕ್ಕಿತು
ಕರಗದ ವಿಷ ಪಿತೂರಿಗೆ
ಉರುಳಿತು ಕಾಯ
ಅಳಿಯದ ಆತ್ಮ
ಪ್ರತಿ ಉಸಿರಲು ಬೆರೆತಿದೆ ಎಂದೆಂದಿಗೂ..